Web edukia bistaratu

Txertatu merkatuan

Txertatu merkatuan

Proiektua da prestakuntza maila baxua eta laneratzeko zailtasunak dituzten 16-30 urte bitarteko gazteentzat, laneratzen eta gizarteratzen laguntzeko.

320x162

Programa operatiboa 2014-2020

Euskal Autonomia Erkidegoko 2014-2020ko Gazte Enplegurako Programa Operatiboan kokatzen da proiektua, eta Europako Gizarte Funtsak finantzatzen du %91.89, Garapen elkartearen eta eskualde-garapeneko 19 agentziaren parte-hartzearekin eta Eusko Jaurlaritzaren lankidetzarekin. Gure esauldearen kasuan, Urola Kostako Udal Elkarteak bideratu eta kudeatuko du proiektua.

Honako hauek dira Garapenekin batera Txertatu Merkatuan programan parte hartzen duten agentziak: Amurrio Bidean, Andoaingo Udala; Bermeo, Mundaka eta Sukarrietako Behargintza; Debagoieneko Mankomunitatea, Debegesa, Durangaldeko Behargintza, Erandioko Behargintza, Gernikako Lanbide Ekimenak Zentroa, Inguralde, Iraurgi Lantzen, Laudio Udala Garapen Agentzia, Lea-Artibaiko garapen-agentzia, Leioako Behargintza, Meatzaldeko Behargintza, Oarsoaldea, Tolosaldea Garatzen, Uggasa, Urduñederra, Urola Kostako Udal Elkartea.

.

Norentzat

Txertatu Merkatuan proiektua prestakuntza-maila baxua duten, ikasketak utzi dituzten eta langabezian urtebetetik gora daramaten 16 urtetik gorako eta 30 urtetik beherako gazteei zuzendutako proiektu bat da.

Halaber, unibertsitate-ikasketak utzita, lanik gabe dauden eta hezkuntza- edo prestakuntza-sistemetan integratuta ez dauden pertsonei ere zuzentzen zaie programa hau.

Txertatu Merkatuan programak 500 gazte baino gehiagori eskainiko die benetako lan-esperientzietan parte hartzeko aukera bideratutako gizarte- eta lan-aktibazioko ekintza eta programetan parte hartuz. Onuradunen erdia baino gehiago emakumeak izango dira (zehazki, % 52), kolektibo bereziki kaltebera delako.

Nola, faseak

Txertatu Merkatuan programa berritzailea da, eta parte-hartzaileen jakintzak, trebetasunak eta hobbiak hartzen ditu oinarritzat haien jakintzak egituratzeko eta lan-profil bat eraikitzeko. Helburua zera da, pertsona bakoitzaren motibazioa lortzea eta autoestimua areagotzea, esku hartzeko erabiltzen diren metodologiak gela tradizionalean erabiltzen direnen bestelakoak izanik.

Faseak

EGOKITU; eguneroko jakintzetatik abiatuta, lan-profil bat eraikitzea

Egokitu izeneko fasea gizarteratzeko eta lan-aktibaziorako laguntza-prozesuaren hasiera da. Programak gizarte- eta hezkuntza-arloko esku-hartze prozesu bat hasten du, pertsonak egunero egiten dituen jardueren identifikazioaren bidez (esaterako, skateak tuneatzea, lonjaren alokairuak ordaintzea, tresneria Internet bidez saltzea, estetika-lan partikularrak eta abar) lan-profil bat eraikitzea ahalbidetzeko.

Horretarako, metodologia berritzailea erabiliko da. Langabezian dauden eta esperientziarik ez duten pertsonen ezkutuko gaitasunak eta lan-trebetasunak identifikatu eta balioztatu nahi dira, enpresek erabiltzen duten lan-hizkuntzara egokitzeko.

TREBATU; lan-errealitatea ezagutzeko lehen pausoa

Parte-hartzaile bakoitzaren egoera partikularrera eta enplegagarritasun-mailara egokitzen diren hiru ekintza mota eskaintzen ditu Trebatu faseak. Egokitu fasean parte hartzen duten gazte guztiek honako ekintza hauetakoren batean esku hartuko dute:

  • Tailer erdi produktiboak: Oinarrizko gaitasun profesionalak (pertsonalak eta gizarte-, harreman- eta antolaketa-arlokoak) ez dituzten gazteei zuzenduak.
  • Gaitasun teknikoetan prestatzeko tailerrak: Gazteei zuzendutako tailerrak dira prestakuntza prozesuetan sartzeko zailtasunak dituztenak, baina ikasteko prest daudenak.
  • Gizarte-berrikuntzako jardunak garatzeko gaitasun-tailerrak: LH1 amaitu duten edo amaitu gabe utzi duten gazte langabetuei zuzendua. Aurrekoek baino prestakuntza-maila altuagoa dutenak, eta oinarrizko gaitasun profesionak dituztenak.

2017ko deialdia: iraila-otsaila

Txertatu Merkatuan proiektuaren 2017ko deialdia martxan dago:

Soldadurako prestakuntza eta konpetentzia sozioprofesionalen lanketa

Urola Kostako Udal Elkarteak soldadurako prestakuntza eskainiko du Txertatu Merkatuan programaren bidez, 2017ko irailetik 2018ko otsailera.

320x162

Norentzat:

Gutxienez Derrigorrezko Bigarren Hezkuntza duten 16-29 urte bitarteko gazteentzat.

Helburua:

  • Ikasketa praktikoaren bidez, soldadura ofizio edo lanbidea ikasteko lehen urratsak ematea
  • Prestakuntza hori laneratzeko prozesu batera eramatea.
  • Gazteei laneratzeko aukerak eskaintzea
  • Merkatuak egun eskatzen dituen gaitasunak lantzea (talde-lana, autoezagutza, komunikazioa…).

Ikastaroak bi atal izango ditu:

Egokitu:

  • Parte-hartzaile bakoitzaren gaitasun pertsonalak eta profesionalak identifikatu eta landuko ditugu, beren motibazio eta trebetasunak indartzeko.

Trebatu:

  • Soldadurako planoen interpretazioa
  • Ebaketa-prozesuak eta ertzak prestatzea
  • Karbono-altzairuzko TIG soldadura
  • Altzairu herdoilgaitzezko TIG soldadura
  • Aluminiozko eta aleazioen TIG soldadura

Egutegia eta ordutegia:

Irailetik otsailera, astelehenetik ostiralera, 9:30-14:30.

Argibideak eta izen-ematea

Urola Kostako Udal Elkartea

Laneratzen Laguntzeko Zerbitzua

Parte hartzeko eskabidea bete eta Urola Kostako Udal Elkartean aurkeztu behar duzu, bertan eskatzen diren dokumentuak gehituta.

Web Form

Txertatu merkatuan: informazioa eta izen-ematea

Informazioa jasotzeko edo izena emateko bidali formulario hau eta berehala jarriko gara zurekin harremanetan

Eremua ez da mandatory.
Eremua ez da mandatory.
Eremua ez da mandatory.
Eremua ez da mandatory.
Eremua ez da mandatory.
Identifikatzeko Testua Refresh CAPTCHA Refresh CAPTCHA