Prestakuntza eta tailerrak

Gure eskaintza

Negozio berri bat sortu aurretik gauza asko hartu behar dira kontuan, buruan dugun ideia hori jarduera errentagarria izan dadin. Horregatik,  urtean zehar hainbat tailer eta prestakuntza gauzatzen ditugu ondorengo gaiak landu ditzazun: sustatzaile izateko beharrezko dituzun baliabide pertsonalak ezagutu eta landu, zure negozio ideia garatzeko erremintak ezagutu, bideragarritasun plana egin, enpresa kudeatzeko ezagutza eskuratu...

Lanbideren programa

Ekintzailetza bultzatzeko programa, Lanbide-Euskal Enplegu Zerbitzua

Urola Kosta Lanbideren entitate homologatua da. Programa honen bitartez 3 hilabetetan zehar enpresa ideia landu edo berau abian jartzeko aholkularitza eta prestakuntza jasoko duzu. Gainera programan era esklusiboan parte hartzeagatik dirulaguntza edukitzeko aukera duzu.

2019ko lanbideren diru-laguntzak ekaintzaileentzat

Lanbide-Euskal Enplegu Zerbitzuak diru-laguntza deialdia egin du beren enpresa sortzeko asmoa duten ekintzaileentzat. Bi diru-laguntza mota daude:

• Enpresa ideia aztertzeko diru-laguntzak sustatzaileentzat: gehienez 1.000 eurokoa izango da sustatzaile bakoitzeko. Zenbateko horrek %15eko igoera izango du, baldin eta eskabidea aurkezteko unean sustatzailea 18 urtetik gorakoa eta 30etik beherakoa bada. Horrez gain, beste %15eko igoera izango du baldin eta sustatzailea emakumezkoa bada.
• Enpresa berria sortu eta alta emateko diru-laguntzak: gehienez 1.500 eurokoa izango da. Zenbateko horrek %15eko igoera izango du, baldin eta eskabidea aurkezteko unean sustatzailea 18 urtetik gorakoa eta 30etik beherakoa bada. Horrez gain, beste %15eko igoera izango du baldin eta sustatzailea emakumezkoa bada.

Epeak eta eskabideak

Eskabideak egiteko epea honakoa da: otsailaren 19tik otsailaren 27ra (eguerdiko 12:00ak arte). Eskaerak Urola Kosta Udal Elkartean aurkeztu behar dira.

Baldintzak

• Eskualdean erroldatua egotea
• Aurreko urtean IAEn altan emanda ez egotea
• Langabezian inskribatuta egotea
• Aurreko urtetan gai bererako diru-laguntzarik ez jaso izana
• Esklusiboki (edo %30eko lanaldi baina gutxiagoa izatea) prozesuan egotea

Oinarriak eta irizpideak

Hemen dituzu eskura diru-laguntza deialdiaren oinarriak, balorazio-irizpideak, aurkeztu behar diren dokumentuak eta gainerako xehetasunak:

Ekiten tailerrak

Zer dira Ekiten tailerrak?

EKITEN TAILERRAK zure enpresa ideia garatzen lagunduko dizuten tailerrak dira. Bertan, ekintzaileek, beren ekintzaile abileziak eta  beren enpresa ideia garatzeko erremintak landuko dituzte elkarlanean.

Norentzat?

• Enpresa ideia garatu eta martxan jarri nahi duten ekintzaileentzat.
• Enpresa bat izan eta berritu edo dibertsifikatu nahi dutenentzat.

2015eko Ekiten programako taldea, amaierako ekitaldian

2017ko apirileko deialdia: datak, iraupena eta lekua

Asteazkenero (5 saio)
2017ko maiatzaren 17tik ekainaren 14ra
Ordutegia 9:30etik 13:30era
Non: Urola Kostako Udal Elkartearen egoitzan (Urdaneta bidea 6, Zarautz)

Landuko ditugun gai eta edukiak:

1. saioa: Autoenpleguaren ezaugarriak eta bideragarritasun plana
2. saioa: Ni ekintzaile: abileziak, ezagutzak, jarrera, erronka
3. saioa: Ideiatik negoziora: canvas eta nere balio erantsia
4. saioa: Innovox tailerra: negozioarentzako ideia berritzaileak garatzen
5. saioa: Komunikazio gaitasunak: negozioa ezagutzera emateko trebetasun eta erremintak

Informazioa eta izen-ematea

Enpresa Sustapeneko Zerbitzua, Tel. 943 890808

Bete eta bidali beheko formularioa.

Kudeaketa ikastaroak

Ikastaro hauetan enpresa abian jartzeko hartu beharreko erabakiei buruzko gaiak lantzen dira, hala nola:

• forma juridikoak
• marketinga
• fiskalitatea
• sare sozialak
• ekonomia eta finantza arloak

.