Hazinnova proiektua Eusko Jaurlaritzak, SPRI Taldeak, Innobasquek eta garapen agentziek, Urola Kostako Udal Elkartea barne, elkarlanean martxan jarritako proiektua da, ETE-etan hobekuntzak dakartzaten mikro-proiektuak gauzatzera bideratuta.

Hain zuzen hazi egin nahi duten eta produktu, prozesu, marketin eta antolakuntza arloetan berrikuntzak dakartzaten mikro-proiektuak dituzten ETEentzako doako aholkularitza zerbitzu espezializatua da.

Programa hau 5 pertsona edo gehiagoko plantillak dituzten eta Euskadin kokatuta dauden enpresei zuzenduta dago, industria-jarduerak, industriari lotutako zerbitzuak, informazioaren eta komunikazioen gizartea, logistika eta handizkako merkataritza garatzen dituztenak, alegia. Horiei doako aholkularitza eta laguntza zerbitzua eskaintzen zaie, hain zuzen lana antolatzeko modu berriak edo enpresetako produktu eta zerbitzuak merkaturatzeko modu berriak ezartzeko.

Lehiakortasuna hobetzea helburu

Hazinnova proiektuaren helburu nagusia da enpresen lehiakortasuna hobetzea, eta aipaturiko aholkularitza teknikoa ondorengo arloren bat hobetzeko eskaintzen zaie:

• Ekonomiko-finantzarioa
• Barne administrazio prozesuak
• Ekoizpena
• Logistika
• Pertsonak
• Bezeroak
• Merkatu berria
• Produktua

Enpresek 2 mikro-proiektu egin ditzakete gehienez, eta mikro-proiektu horiek gorago aipatutako 8 tipologietakoren batekoak izan behar dute. Proiektu horiek, halaber, denboran mugatuak (3 hilabete) izan behar dute eta inpaktu handia sortu behar dute euren jarduera-eremuan. Zerbitzuak %100ean finantzaketa du eta lehen mailako aholkularitza-konpainien bitartez ematen da.

Gainera, ETEek Urola Kostako Udal Elkartearen, hurbileko Hazinnova agente gisa, laguntza dute prozesu osoan zehar.

Izen ematea

Programan izena emateko epea dagoeneko zabalik dago urriaren 24a arte (hau barne) edota aurrekontua amaitu arte eta eskaerak esteka honetan egin daitezke.

Argibide gehiago

Urola Kostako Udal Elkartea

Enpresetako Zerbitzuak

Aintzane Ruesgas

• 943 89 08 08
• enpresa@urolakosta,eus