Berriak
Atzealdea

Aurten ere Ikaskuntza Bitartekaritza kontsulta-zerbitzua eskainiko du Ikaslan Gipuzkoak Urola Kostako eskualdean

Urola Kosta eskualdeko formakuntzari buruzko informazioa eskainiko da. Doako kontsulta zerbitzua da

2022·02·03


Joan den ikasturtean bezala, Ikaslan Gipuzkoak martxan jarri du Ikaskuntza Bitartekaritza kontsulta-zerbitzua Urola Kostako eskualdean. Zerbitzua 2022ko uztailaren 31ra arte eskainiko da; Urola Kostako Udal Elkarteko lanerako orientazio zerbitzuarekin elkarlanean eta Zarauzko Udalaren laguntzarekin. Gainera, CIFP Monte Albertia LHII erreferentziazko ikastetxea izanik, zerbitzua Zarautzen bertan eskainiko da.  

2021eko abendutik dago martxan zerbitzua; batez ere, laneratzera bideratutako prestakuntza eskaintzeko. Alegia, ikastaro ugari eskainiko dira Gipuzkoako Lanbide Heziketako ikastetxeetan eta horien inguruko informazioa jarri nahi da eskualdeko herritarren eskura.

Bitartekaritza zerbitzuak, guztiz publiko eta doakoa izaki, bizitza osoan zehar etengabeko ikaskuntza sustatzea du helburu. Bitartekaritza zerbitzutik  prestakuntza-mota guztien inguruko informazioa eskaintzen da:

  • Prestakuntza Formala/Egiaztagarria: Hezkuntza-titulu bat lortzeko egiten diren ikasketak (DBH, Lanbide Heziketa, Unibertsitateko ikasketak, arte-ikasketak, Hizkuntza Eskola Ofiziala edo Lanbide Egiaztagiri bat). 
  • Prestakuntza Ez-Formala edo Ez- Egiaztagarria: Lan-munduan sartzeko edo lanpostura hobeto egokitzeko baliagarriak diren ikasketak, (Egiaztagirien Katalogoan ez daudenak). 
  • Etengabeko ikaskuntza: Era askotako prestakuntza, norbere ongizatea lortzeko egiten dena (kirola, eskulanak, terapiak, informazio-jarduerak....)

Aurtengo ikasturtean inoiz baino garrantzia handiagoa hartu du Gaitasun-Konpetentziak Ebaluatu eta Akreditatzeko Prozedurak. Ikaskuntza Bitartekaritzatik, aurretik aipatutako prestakuntza-alorren inguruko orientazio eta aholkularitza zerbitzua ere eskainiko da: aurrez-aurre, on-line, telefonoz edo posta elektroniko bidez. Gainera, eskualdean eskainiko den formakuntza-ikastaro oro argitaratuko da Eusko Jaurlaritzaren Hezkuntza Saileko Hiru.eus eta ikaslangipuzkoa.eus webguneetan. 

Ikaskuntza Bitartekaria Zarauzko Gazte Informazio Bulegoan egongo da, ondorengo ordutegian:

  • Astelehenetik-asteazkenera 9:00-14:00 / 15:00-17:00
  • Osteguna 9:00-17:00 (salbuespeneko egoerarik egon ezean, ez da zuzeneko arreta zerbitzurik emango)
  • Ostirala 9:30-14:30