Urola Kostako Udal Elkarteak eskualdeko enplegagarritasuna indartzeko konpromisoa berritu du 2026rako, Hazilan programaren baitan bi ibilbide estrategiko aurkeztuz: LORPEN eta OSATU. Ekimen hauen helburu nagusia da pertsonen talentua garatzea eta tokiko enpresa-sarearekin lotura zuzen eta eraginkorra sortzea.

Programa honetan parte hartzeko, ezinbestekoa da Lanbide Heziketako edo Unibertsitateko titulazioa izatea. Eta horien artean deialdia bereziki bideratuta dago:

1. Lan bila dabiltzan pertsonentzat.
2. Beraien ibilbide profesionala hobetu edo berrorientatu nahi dutenentzat.

Programaren baitan bi ibilbide egongo dira, LORPEN Hazilan+, orain ireki dena; eta, azaroan jarriko da abian Hazilan Osatu.

LORPEN Hazilan+: Ibilbide pertsonalizatua (izena ematea ZABALIK)

Programa hau ez da ohiko prestakuntza bat; laguntza indibidualizatuan oinarritutako ibilbidea da. Parte-hartzaile bakoitzak saio pertsonalizatuak eta jarraipen hurbila izango ditu, bere profil profesionala lan-merkatuaren erronka berrietara modu eraginkorrean egokitzeko.

• Hasiera: Apirilak 16

• Izena ematea: Dagoeneko zabalik dago.

https://forms.gle/SAWyMShENSBA3ZtC8

Plaza mugatuak dira, beraz, interesatuak izena ematera animatzen ditugu.

Hazilan OSATU: talde indarra, formakuntza eta praktikak (Azaroan)

Urte amaierara begira, azaroan, Hazilan OSATU ibilbidearen txanda izango da.

Bi fase nagusi ditu:

• "Aktibatu" saioak: Taldeko saio dinamikoak, gaur egungo enpresek eskatzen dituzten zeharkako trebetasunak (soft skills) eta gaitasun profesionalak eskuratzeko.
• Praktikaldiak: Prestakuntza amaitutakoan parte-hartzaileek praktikak egingo dituzte eskualdeko enpresetan, esperientzia erreala lortuz eta beren burua ezagutzera emanez.

Informazio gehiago:

• Posta elektronikoa: lanpoltsa@urolakosta.eus
• Telefonoa: 943 89 08 08