2023an eskualdeko energia eraginkortasuna eta berriztagarriak bultzatzea ardatz hartuta, Urola Kostako Udal Elkarteak energia aurrezteko eta ekonomia zirkularra sustatzeko egitasmoa jarriko du martxan eskualdeko zerbitzu eta industria enpresek energia alorrean dituzten beharrak antzemateko eta horien eraginkortasuna hobetzeko neurriak, laguntza teknikoa eta aholkularitza eskaintzeko.

Horri lotuta, ekainean egitasmoaren aurkezpen saioak egin zituen eta oraingoan, gehigarri gisa, industria eta zerbitzuetako eskualdeko enpresen faktura energetikoa murriztera bideratutako galdetegia prestatu du.

Galdetegiaren bitartez helburua da enpresen egoera energetikoa ezagutzea, enpresa bakoitzari egokitutako aholkuak eskaini eta energia eraginkortasuna hobetzeko gako orokor batzuk eskaintzeko. Horri jarraiki, aipatu alorreko enpresei galdetegia betetzera animatzen ditu Udal Elkarteak. Behin hori beteta, Udal Elkartea enpresen jabeekin jarriko da harremanetan doako eta koste txikiko eraginkortasun neurri horiek diseinatu eta zehazteko.

GALDETEGIA

Argibideak eta informazio gehiago

Eli Uzkudun / Idoia Etxarri

• 943 890808
• enpresa@urolakosta.eus