2023·06·23
Datorren uztailaren 1etik 3ra bitartean Frantziako Tourrak Euskal Herria zeharkatuko du eta ibilbide horren baitan, Urola Kosta eskualdetik ere pasako da, zehazki uztailaren 3an.
Frantziako Tourra nazioarteko kirol ekitaldi handienetako bat da, urtero ospatzen dena eta aurtengoan, gure kale eta errepideetatik pasatzen ikusteko aukera izango dugu. Tourra jasotzeko, baina, hainbat antolaketa eta prestaketa lan egin behar dira aurrez, baita hainbat aldaketa ere.
Horren harira, ekainaren 28tik uztailaren 4a bitartean, eskualdeko hainbat edukiontzi gune lekualdatu, kendu edota zigilatuko dira, zehazki Zarautzen, Zumaian eta Orion. Zarauzko edukiontzi-guneetako aldaketak.
Zarauzko edukiontzi-guneetako aldaketak
| BILKETA GUNEA / HELBIDEA | ALDAKETA (Kendu, lekualdatu, zigilatu) | BILKETA GUNE BERRIA |
| Aiten Etxe | Kendu | Nafarroa eta San Inazio kaleko edukiontziak |
| Nafarroa kaleko 10, 12, 26, 40, 60 eta 62 | Lekualdatu | Aldameneko espaloia |
| Nafarroa kalea 2, 6, 8, 9, 11, 20, 22, 23, 39, 41, 61 eta 64 | Kendu | Gune bakoitzean zehaztuta egongo da |
Zumaiako edukiontzi-guneetako aldaketak
| BILKETA GUNEA / HELBIDEA | ALDAKETA (Kendu, lekualdatu, zigilatu) | BILKETA GUNE BERRIA |
|
Narrondo auzoa 10 Axular ibiltokia 38 Alai auzategia 1 Mendaro Mariñela Pantxita Etxezarreta 27 |
Lekualdatu | Aldameneko espaloira |
| Axular ibiltokia 24 | Zigilatu | Pareko edukiontziak |
Orioko edukiontzi-guneetako aldaketak
| BILKETA GUNEA / HELBIDEA | ALDAKETA (Kendu, lekualdatu, zigilatu) | BILKETA GUNE BERRIA |
| San Martin 17 (Aizperro) | Kendu | Inguruko edukiontziak |
|
Aita Lertxundi 8, 22, 50 Anibarko portua poligonoa Txanka aldea 5 Benta aldea 10 Lusarbe merenderoa |
Lekualdatu | Gune bakoitzean zehaztuta egongo da. |
Esan bezala, aldaketek ekainaren 28tik uztailaren 4a arte iraungo dute eta bien bitartean, Urola Kostako Udal elkarteak hondakinak orain arte bezala, ondo sailkatzen jarraitzeko deia egiten die herritarrei.
Argibideak eta informazio gehigarria
Urola Kostako Udal Elkartea
Ingurumen saila
- 943 89 08 08
- ingurumena5@urolakosta.eus