Urola Kostako Mankomunitateak, Aia, Getaria, Orio, Zarautz eta Zumaiako udalerritan, herritarrei zuzendutako prestakuntza-programa berri bat jarri du abian, administrazio elektronikoaren bidez lan-izapideak egiten trebatzeko. Ekimen hau erabat doakoa da, eta parte-hartzaileen enplegagarritasuna hobetzea du helburu, haien lan-bizitza kudeatzeko eta enplegu-aukerak lortzeko funtsezko tresna digitalak ikasiz.Prestakuntza-programa honen helburua ez da lan-aukerak hobetzea soilik, baita inklusio digitala eta tresna elektronikoen erabilera segurua sustatzea ere.

Ikastaroan parte hartzen duten pertsonek behar dituzten trebetasunak ikasiko dituzte, hala nola lan-bizitza eskuratu, SEPErekin izapideak egin, prestazioak eskatu edo ziurtagiri elektronikoak lortu. Prestakuntzan benetako praktikak eta adibideak sartuko dira, ikaskuntza-esperientzia aplikatua eta eraginkorra bermatzeko.

Ikastaroaren gai-zerrenda:

• Izapidetze elektronikorako sarrera: Ikastaroa izapidetze elektronikoaren oinarrizko kontzeptuekin hasten da, Lanbiden eta SEPEn izapideak egiteko IZENPE ziurtagiri elektronikoaren erabilera barne.
• Tramitazio elektronikorako tresnak eta segurtasuna: Parte-hartzaileek identifikazio eta autentifikazio digitaleko tresnak (NANe eta Cl@ve PIN, esaterako), sinadura elektroniko motak eta segurtasun-jardunbide egokiak erabiltzen ikasiko dute.
• Enplegu-plataformen eta administrazio-izapide elektronikoen erabilera: Administrazio-izapideak nola egin ere. erakutsiko da, lan arloko izapideak Gizarte Segurantza edota Gipuzkoako Foru Aldundiarekin nola egin, esate baterako

Xehetasunak:

• Saioek egunean 2 orduko iraupena izango dute, 10:00etatik 12:00etara.
• Parte hartzaileentzat ordenagailuak eskuragarri jarriko dira.
• Taldekako 10 orduko aurrez aurreko saioak egingo dira, bost udalerrietan.

Datak eta lekuak:

• Zumaia: Urriak 21-25 Moila gela, Alondegia Kultur Etxea (Erribera kalea, 23)
• Aia: Azaroak 11-15 Aiako Kultur Etxea (Gozategi Enparantza plaza, 3)
• Getaria: Azaroak 18-22 Ulpiano Aretoa (Cristobal Balenciaga 14, 1º)
• Orio: Azaroak 25-29 Orioko Kultur Etxea (Eusko Gudarien kalea, 26)
• Zarautz: Abenduak 9-13. Urola Kostako Udal Elkartea (Urdaneta bidea 6, Abendaño industrialdea)

Izena emateko epea zabalik dago. Plazak mugatuak direnez, aldez aurretik izena ematea gomendatzen zaie interesdunei. Lehentasuna langabezia egoeran dauden herritarrek izango dute eta ikastaroa eskainiko den herrikoa bertakoa izatea.

Urola Kostako Udal Elkartera deitu dezakezu (943890808), lanpoltsa@urolakosta.eus helbidera idatzi edo,  Udal Elkarteko lan poltsan izena emanda bazaude, https://urolakosta.tganet.net/urola_ikastaroak/urola_ikastaroak.php estekaren bitartez eman ahal izango duzu izena.