Eduki publikatzailea

Atzealdea Urola Kostako Udal Elkarteak energia prestakuntza eta aholkularitza eskainiko die enpresei

Programaren helburua eskualdeko enpresen lehiakortasuna hobetzea da, energia kontsumoa murriztuz eta energia berriztagarriak sustatuz.

2024·07·19

Urola Kostako Udal Elkarteak urrats garrantzitsuak ematen jarraitzen du jasangarritasunaren eta lehiakortasunaren bidean, eta, bide horretan, energia prestakuntza eta aholkularitza programa berri bat jarri du martxan. Programa hau, energia- eraginkortasunean, energian eta ingeniaritzan aditu den enpresa batekin lankidetzan garatuko da, eta 2022-2026 Urola Kostako energia planean zehaztutakoarekin egiten du bat. Ekimen honen bidez, energia planean zehaztutako hurrengo helburuei erantzun nahi zaie:

  • Energia kontsumoa murriztea: Enpresek energia modu eraginkorragoan erabiltzeko neurriak ezartzea.

  • Energia berriztagarrien sustapena: Energia iturri berriztagarrien erabilera handitzea, hala nola eguzki-energia eta energia eolikoa.

Energia aholkularitzaren garrantzia

Energia aholkularitza funtsezko tresna bihurtu da lehiakorragoak eta jasangarriagoak izan nahi duten enpresentzat. Energia kontsumoaren ebaluazio zehatz baten bidez, adituek hobekuntza eremuak identifikatu eta negozio bakoitzera egokitutako irtenbide espezifikoak gomendatu ditzakete. Honek, funtzionamendu kostuak murrizten laguntzeaz gain, energia eraginkortasuna hobetzen eta ingurumenean duen eragina minimizatzen ditu. Gainera, energia aholkularitzak, energia sektoreko azken araudi eta aurrerapen teknologikoen berri izaten laguntzen die, baliabideen erabilera optimoa bermatuz.

Programa berri honen helburuak eta onurak

Programaren helburu nagusia tokiko enpresen lehiakortasuna hobetzea da, energia kontsumoa murriztuz eta energia berriztagarriak sustatuz. Helburu espezifikoak hauek dira:

 
  • Lehiakortasuna hobetzea: Enpresen energia kontsumoa murriztea, haien lehiakortasuna handitzeko.
  • Jasangarritasuna sustatzea: Energia berriztagarrien erabilera sustatzea, eskualdea jasangarriagoa egiteko.
  • Kontsumo arduratsua bultzatzea: Enpresei kontsumo arduratsuaren garrantziaz ohartaraztea eta praktika onak ezartzen laguntzea.
  • Azken txostena datuekin: Lortutako datuak jasotzen dituen txostena.

Gipuzkoako Foru Aldundiaren eta Urola Kostako Udal Elkartearen arteko jasangarritasun energetikoaren arloan eskualdeko hitzarmenaren baitan gauzatu da programa hau.

Nola parte hartu

Programa honetan parte hartu nahi duten edo informazio gehiago jaso nahi duten enpresek 943 89 08 08 telefonora deitu edo energia@urolakosta.eus helbidera idatzi beharko dute. Ekimen honek aukera paregabea eskaintzen die enpresei energia kudeaketa espezializatuei buruzko aholkularitza eta prestakuntza jasotzeko, eta, horrela, kostuak murriztu eta ingurune jasangarriago baten alde lan egiteko. Aholkularitzak irailean zehar egingo dira izena eman duten enpresentzat.

Ez galdu energia kudeaketa eraginkor eta jasangarriranzko olatuaren parte izateko aukera.