2023·03·22

Apirilaren 17an hasiko dira Coworking espazioaren eraikuntza lanak, UKUEk sustatuta

Coworking espazioen helburua da eskualdeko ekintzaileek zein enpresa sareek elkarlanerako gune bat izatea.

2023·03·21

Digitalizazioari loturiko ikastaroak eskainiko ditu Urola Kostako Udal Elkarteak eskualdeko negozioei zuzenduta

Gipuzkoako Ingeniari eskolarekin elkarlanean, "OAPR Acelera Pyme" programaren baitan guztira 7 ikastaro desberdin eskainiko ditu eskualdeko enpresa eta autonomoei zuzenduta, bereziki hiri-ekonomia jarduerekin lotura dutenak: merkataritza, zerbitzuak, ostalaritza, turismoa… Helburua da eraldaketa digitalaren alorrean negozioak sentsibilizatzea eta teknologia berrien ezarpenean trebatzea.

2023·02·27

Bueltan da 45+ Indartzen prestakuntza-programa; 45 urte edo gorako herritarrak lan-munduan murgildu daitezen

Egitasmoan parte hartzeko izen ematea zabalik egongo da martxoaren 1etik apirilaren 13a bitarte. Ekimenaren inguruko informazio saio bat egingo da martxoaren 30ean.

2023·03·08

Zibersegurtasunaren inguruko sentsibilizazio kanpaina abiaraziko du Urola Kostako Udal Elkarteak, eskualdeko enpresei zuzenduta

ZIURen (Gipuzkoako Zibersegurtasun Industrialeko Zentroa) eskutik, guztira 3 jardunaldi antolatu ditu Udal Elkarteak: martxoaren 22an lehena, apirilaren 19an bigarrena eta maiatzaren 17an azkena.

2023·03·01

7.000 ontzi konpostagarri banatuko ditu Urola Kostako Udal Elkarteak eskualdeko jatetxe eta tabernen artean, elikagaien xahuketa murrizteko kanpainaren baitan

Ontziak eskuragarri egongo dira Udal Elkartearen egoitzan martxoaren 6tik 8ra bitartean goizeko 8:00etatik 14:00etara.

2023·02·23

Autonomoei eta Kultura eta Sormen Industrien alorrari zuzenduriko informazio saioak eskainiko ditu Urola Kostako Udal Elkarteak martxoan

2 saio egingo dira, autonomoen erregimen berriaren ingurukoa lehena, martxoaren 7an autonomoei zuzenduta eta “Artistaren Estatutua”ren ingurukoa bigarrena, 14an, sortzaileei zuzendutakoa.

2023·02·22

Enpresa kudeaketari buruzko 10 prestakuntza tailer eskainiko ditu Udal Elkarteak, pertsona ekintzaileei edota mikroenpresetako enpresariei bideratuta

Guztira 10 prestakuntza tailer eskainiko dira martxotik ekainera bitartean. Tailer guztiak aurrez aurrekoak izango dira, Udal Elkartean bertan eta saio guztietan edo intereseko saio zehatzetan eman daiteke izena.

2023·02·17

Digitalizazioari eta iraunkortasunari loturiko ikastaroak eskainiko ditu Urola Kostako Udal Elkarteak merkataritza eta zerbitzu sektoreetako profesionalei zuzenduta

Gipuzkoako Merkatarien Federazioarekin lankidetzan, bi ikastaro desberdin eskainiko dira, martxoan lehena eta iraila eta urria bitartean bigarrena. Lehen ikastaroak saltokiaren online eta off line esperientzien konbinazioa izango ditu oinarri eta martxoaren 6an hasiko da. Bi ikastaroen helburua da merkataritza eta zerbitzu sektoreko profesionalak esparru horietan trebatzea eta horrela, beren enpresen lehiakortasuna hobetzen laguntzea.

2023·02·17

Eskualdeko garbiguneen eta birziklatzeko etxolen informazio eguneratua argitaratu du Urola Kostako Udal Elkarteak

Udal Elkarteak espazio bakoitzera eraman daitekeen hondakinen inguruko informazioa eta eskualdean dauden garbigune eta birziklatzeko etxolen ingurukoa (kokapena, ordutegia edo harremanetarako datuak) jaso ditu eta eskuragarri jarri ditu herritarrentzat udal elkarteko webgunean. Garbigune zein etxolek helburu dute hondakinetan dauden materialak berreskuratzea, gero birziklatzeko, hondakinak kontrolik gabe ez botatzea eta zabortegi kontrolatuetan tratatu edo desagerrarazi beharreko hondakinak gutxitzea.