PAPER-HONDAKIN GUTXIAGO SORTZEKO KANPAINA
Administrazio publikoa aztergai: eraikinak jasangarriak al dira?
Urtarrilean zehar eskualdean ingurumenaren jasangarritasuna sustatzeko beste kanpaina bat abian jarriko da Urola Kostako eskualdean. Oraingoan, kanpainaren helburua administrazioan erabilitako paperaren erabilera murriztea da. Halaber, kanpainak instalazio publikoen funtzionamenduaren hainbat alderdi ebaluatuko ditu ere, eraikin publikoen ingurumen jarduera zehazteko.
Horretarako, eskualdeko bost udalerrietako eraikin publiko batzuetan ingurumen-ikuskaritzak egingo dira, horien bidez, bakoitzaren iraunkortasun mailaren diagnostikoa zehaztu ahal izateko. Ebaluazio horietan, hainbat alderdi aztertuko dira, hala nola paperaren eta ontzien erabilera eta eraikinaren barruan sortzen den hondakin kopurua. Gainera, sortutako hondakinak kudeatzeko modua ere garrantzitsua da; beraz, langile publikoentzat eta eraikinen erabiltzaileentzat prestatutako zaborrontziek gaikako bilketa ahalbidetzen duten aztertuko da, baita behar bezala identifikatuta dauden ere. Beste faktore batzuk ere ebaluatuko dira, hala nola uraren eta energiaren erabilera; ondorioz, udal elkarteko teknikariek luminariak, ekipo elektrikoak eta beste instalazio batzuk ikertuko dituzte haien eraginkortasuna zehazteko. Azkenik, eraikinetako langileen sentsibilizazio maila ere aztertuko da.
Guztira, 11 eraikin ikuskatuko dira kanpainan zehar: bost udaletxeak, eskualdeko bost kultur etxeak eta Urola Kostako Udal Elkartearen egoitza. Lortutako emaitzak bisitatutako eraikinen ingurumen-jarduera hobetzeko erabiliko dira.
Kanpaina honen baruan sortutako materiala
- Paperaren erabilera optimizatzeko jardunbide egokien eskuliiburua
- Paper eta kartoiaren gehiegizko erabileraren murrizketa (infografia)
