Hazilan proiektua eskualdeko pertsona kualifikatu langabeak eta eskualdeko enpresak uztartuko dituen ekimena da.

Pertsona kualifikatuak laneratu eta enpresen beharrei erantzun

Lanbide Heziketako eta unibertsitateko ikasketak egin dituzten pertsona askok zailtasunak dituzte beren esparruko ikasketekin lotutako lanpostuetan laneratzeko. Sarri oso epe laburreko lanpostuak eskuratzen dituzte, jarraipenik gabe, eta lan-merkatuan sartu eta irten dabiltza. Pertsona horien prestakuntza teknikoa eta akademikoa goi mailakoa da, baina laneratzeko, lan ibilbidean arrakasta izateko eta lanean eraginkorrak izateko ezinbestekoa dute zeharkako konpetentziak lantzea: komunikazio gaitasuna, proiektuak kudeatzeko gaitasuna, lantaldeak kudeatzeko gaitasuna...

Era berean, enpresek zailtasunak dituzte eguneroko lan martxarekin proiektu berriak edo berrikuntzak egiteko. Mahai gainean dituzte hainbat ideia, asmo eta proiektu, baina ezin ekin. Enpresek prestakuntza tekniko eta akademiko egokia duten langileak behar dituzte, baina, baita ere, gero eta gehiago, gorago aipatutako zeharkako konpetentziak dituztenak.

Faseak

Parte-hartzaileen eta enpresa-proiektuen ezaugarrietara era malguan egokituta dauden hiru faseko ibilbide bat proposatzen du Hazi proiektuak: Aktibatu, Prestatu eta Baliabideak (Kokatu, Lanekin edo Talentu Ihesa).

1.- Aktibatu: pertsona kualifikatuak aktibatzea

Ibilbidearen hasiera da, laneratzeko laguntza-prozesuaren hasiera. Konpetentzia pertsonalak eta profesionalak (motibazioa, ekimena, komunikazioa, talde-lana…) lantzeko prestakuntza pertsonalizatua eskaintzen du. Helburua pertsona kualifikatuen gaitasunak aktibatzea eta pertsona horiek proiekturako prestatzea da. Horretarako, parte-hartzaileek coach baten laguntza jasoko dute.

2.- Prestatu: prestakuntza trinkoa (Nire marketinga sareetan)

Helburu orokorra da, teknologia berriek eskaintzen dituzten aukerak baliatuz, sarean norberaren marketing-a egiteko gakoak ezagutzea. Besteak beste, ondorengo gaiak landuko dira:

• Norberaren marka pertsonala: Profil profesionala, digitalki.
• CV digitala: Wix, Bideocurriculum-a, Linkedin…
• Sare sozialetako estrategia: Facebook, Instagram, Twitter…
• Hainbat erreminta digital: Trello eta Google-eko erremintak, besteak beste.

3.- Baliabideak: edizioz edizio, aukeran;

Lanekin: lanpostuko prestakuntza

Fase honen helburua da pertsona kualifikatuek kontratazio-premiak dituzten enpresetan lanpostu jakin baterako prestakuntza espezializatua jasotzea. Era horretan, pertsona horiek enpresan bertan laneratuko dira. Enpresak, nolanahi ere, instruktore bat izendatuko du prestakuntza ikuskatzeko eta parte-hartzailea bere testuinguruan kokatzeko.

Kokatu: praktikak enpresan

Helburua da parte-hartzaileek beren lanbide-profilaren araberako esperientzia erreala eskuratzea. Baliabide honen bidez, ikaskuntza praktikoko egonaldiak egingo dira enpresetan. Enpresako tutore batek praktikak zuzendu eta laguntza emango du.

Talentu Ihesa: talentua eta proiektuak enpresan

Helburua da lanbide-gaitasuna hobetzea. Horretarako, enplegua sortuko duten enpresa-proiektuak abian jartzen parte hartuko da, jarduera berrien garapenean interesa duten enpresetan. Proiektuak lotura izango dute, ahal dela, nazioartekotzearekin, berrikuntzarekin edo teknologia berriekin eta enpresen unean uneko beharrekin.

Aurreko edizioak

Aurreko edizioetan zehar, guztira,192 pertsonek parte hartu dute; 22 emakumezkok (%63,54) eta 70 gizonezkok (%36,45).  

Lehendabizi konpetentzia sozioprofesionalak landu dituzte eta, ondoren, enpresetan laneratzeko prozesuak egin dituzte (praktikak, prestakuntza lanpostuan…), eskualdeko nahiz Gipuzkoako beste eskualde batzuetako enpresetan. Honako enpresa hauek parte hartu dute orain arteko edizioetan:

• Ad hoc centro de comunicación y marketing SL
• Aner Sistemas Informáticos
• Aquarium Donostia
• Arazi IKT S.L.
• Ardantzabide altzariak SL
• Arktelier, arkitektura estudioa
• Artadi Alimentación SL (Okin)
• Artelatz Ingurugiro Zerbitzuak S.L.
• Asoc Ziurlan Servicios Mancomunados de Prevención
• Asociación CEAR
• Atzegi
• Aztertzen Servicios Asistenciales SL
• Banco Santander
• Basobeltz SC
• Begi-bistan, Turismo Zerbitzuak
• Berme Aholkularitza SL
• Biharko Gipuzkoa SL
• Cafeteria Euromar
• Calderería Plástica URSA S.L.
• Coprein SL
• Dhemen Design S.L.
• Dulces Reineta, S.L.
• El Atelier Nupcial SL
• Electro Talleres Zarauz, SA (JOLAS)
• Electromecánica del Urumea SL
• Elkarrekin Kooperatiba txikia
• Emaus Fundación Social
• Eraman SL
• Euskampus Fundazioa
• Experientziak
• Fidenet Comunicación SL
• Gipuzkoa Tour SL
• Gipuzkoako Bazkundea
• Gipuzkoako Urak SA
• Gonzmar Ingeniería y Construcción
• Gureak Lanean SA
• Gurutze Gorria
• Haizur Derechos Humanos y Desarrollo Sostenible IZK
• Hontza Psicología
• Industrias Auxiliares SAU (Indaux)
• Instituto del Queso SL
• Kalexka
• Kiba Lorezaintza
• Kursaal Asesores S.COOP
• Kutxa Fundazioa
• LKS Ingenieria S.COOP
• Lombok Design SL
• Lurgiro SL
• Material Contra Incendios Extinmar S.L.U.
• Matia Fundazioa
• Mensajería Ermara SL (MRW)
• MettaCarbon bikes
• Ongi Mecanizados en Madera SL
• Ortzadar ikastetxea
• Otzarreta Communicación, S.A.
• Pavitec 2000 SLU,
• Plabs 3D S.L.
• Sei Soinua SL
• SOLDIMES Máquinas para Soldadura S.L.
• SOS Arrazakeria Elkartea
• Studio Kontraluz SL
• Xare
• Zumaiena Ikastetxea

14.edizioa

Hamalaugarren edizioa 2022ko irailean hasi eta abenduan amaituko da. 

Programak hiru fase edo atal izango ditu:

• AKTIBATU fasea (80 ordu): prestakuntza

Zeharkako konpetentziak landuko dira bizipen-prestakuntza pertsonalizatua eta integrala eskainiz.

• Egutegia eta ordutegia:
• Noiz: 2022ko irailaren 19tik azaroaaren 8ra bitartean.
• Egunak: astelehenetik ostegunera (09:30etik 13:30era).
• PRESTATU fasea (24 ordu online): Nire marketina sareetan

Helburu orokorra da, teknologia berriek eskaintzen dituzten aukerak baliatuz, sarean norberaren marketing-a egiteko gakoak ezagutzea.

• Egutegia eta ordutegia:
• Noiz: 2022ko irailaren 23tik urriaren 28ra bitartean.
• Egunak: ostiraletan 09:30etik 13:30era.

• KOKATU fasea (200 ordu): praktikak enpresetan

Lanbide-profilaren arabera, benetako lan esperientzia lortuko da.

• Egutegia eta ordutegia:
• Noiz: 2022ko urritik abendura bitartean. 
• Egunak: astelehenetik ostiralera, gehienez ere 6 orduko lanaldia

Argibideak jasotzeko